Хэдийгээр таны хүүхдийн шүд шүдлэж эхлээгүй ч гэсэн хүүхдийн шүдний ормыг нойтон хөвөнгөөр өдөрт нэг удаа арчиж өгч байх хэрэгтэй. Хүүхдийн сүүн шүд дөнгөж цухуйж эхлэмэгц түүний шүдийг хүүхдэд зориулсан дизайнтай, зөөлөн үстэй, сойзоор угааж, шүдийг угаахын зэрэгцээ буйланд массаж хийж өгч байх нь чухал. Хүүхэд ой 6 сартай болмогц шүдийг нь оройн цагаар хамгийн сүүлчийн хооллолтын дараа энгийн ус ашиглан угааж өгөх хэрэгтэй.
Хүүхдийг орон дээр нь хэвтүүлээд шүдийг нь угааж өгөх нь илүү хялбар байдаг. Шүд угаах хугацааг эхлээд маш бага хугацаанд гүйцэтгэж аажимдаа хугацааг нь сунгаж нялх хүүхдийн шүдийг угаахтай адил 2 минут хүргэх хэрэгтэй.
Хүүхдийг шүд угаах ажиллагаанд хэдий нь дасч өдөр тутам гүйцэтгэдэг болмогц 3 насны орчимд шүдийг өдөрт хоёр удаа угааж өгөх хэрэгтэй. Өглөөний цайны дараа, үдэш унтахын өмнө.
Ингэхдээ нэг анхаарах зүйл нь балчир насны хүүхдэд зориулсан фторын агууламж багатай оог хэрэглэх ёстой. Эдгээр оонууд нь ихэвчилэн нэг ой 6 сартай хүүхдээс эхлэн хэрэглэхээр байдаг тул оон дээрх зааврыг уншиж үзэж хүүхдэдээ таарах оог сонгох хэрэгтэй.
Оог шүдний сойзонд маш бага зөвхөн түрхэх төдий л тавьж өгөх бөгөөд илүүдэл оог яаж шүлстэйгээ хамт нулимж гаргахыг зааж өгөх хэрэгтэй. Хэрэв илүүдэл оог нулимж гаргаж чадахгүй тэр чигт нь идчихвэл сойзон дээр нь ахиад бага зэрэг оо түрхээд ахин угаалгахын зэрэгцээ амыг нь усаар зайлах аль эсвэл нойтон сальфеткаар арчиж өгөх хэрэгтэй.
Насанд хүрэгчдэд зориулсан шүдний оогоор хүүхдийн шүдийг угаах нь шүдэнд шүд толботох эмгэг буюу флюроз өвчин үүсгэж болзошгүй тул оог аль болох хүүхэд хүрэхгүй газар хадгалж байх нь чухал.